வியாழன், ஜனவரி 21, 2016

ஜனவரிப்பூக்கள்-4

உறைந்து போயிருக்கும்
வாழ்விலிருந்து
வெடித்துக்கிளம்பும் விதை
அதோ மே...மே என்றபடி
இழுத்துச் செல்லப்படும்
ஆட்டுக்குட்டியின்
எச்சில் குரலிலிருந்து விழுகிறது

******************************************
எனக்குத் தெரியாதவை
எவையென்று உனக்குத்
தெரிந்திருந்தது
என்னால் இயலாதவை
எவையென்று உனக்குத்
தெரிந்திருந்தது
எனக்குப் புரியாதவை கூட
உனக்குத்தெரிந்திருந்தது

அப்புறம்...
அவ்வளவுதான்
****************************************
செம்பருத்தி ஒன்று 
ஆடிக்கொண்டிருக்கும்
தருணத்தில்
நீயாகவே உணர்கிறாயா
வா
கை தட்டிக்கொள்ளலாம்
*********************************************
நிசமாகவே கோளாறு
என்றுதான் நம்புகிறார்கள்
கல் தூக்கும்
கையை இறக்கி விட்டால்

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...