இடுகைகள்

May, 2016 இலிருந்து இடுகைகளைக் காட்டுகிறது

முகநூலில் அன்னையர் தினம்

படம்
எதையாவது செய்து ,சொல்லி
எரிச்சலூட்டி விடுகிறீர்கள் 
கிழித்தாக வேண்டிய 
நாட்காட்டித்தாள் தனது
கடைசி மணித்துளிகளைப் படபடப்புடன்
கடந்துகொண்டிருக்க
கடக் என்ற எலிப்பொறியின் சப்தம்
எழுப்பிய வெற்றிஉணர்வு
சற்றேதணித்திருக்கிறது எரிச்சலை
நாளை இந்தஇடத்தை
நிரப்ப எலிகள் இருக்குமாதெரியவில்லை
******************************************************
உறவுகளைக் கொண்டாடுவது வாளேந்திய தருணமாக 
மாறிவிட்ட காலங்களில்தான்
ஒவ்வொரு உறவுக்குமான
தினங்கள் பெருகி
மூழ்கடிக்கின்றன 
பசி தீராவிடினும்
பழங்கணக்கின் அசைபோடலுக்காவது
வேண்டியிருக்கிறது பொய்ப்பல்
************************************************************
கண்ணோடும் வயிற்றோடும் மட்டுமே
காலமெல்லாம்
பிணைந்திருக்கிறது 
அன்னையுடனான கொடி
அவள் கண்ணீராகவும்
உங்கள் ருசியாகவும்
உணரப்படாத
தாயைக் கொண்டாடத்
தலைப்படுவீரோ மானிடரே
***********************************************************

முகமற்றவளின் முகம் தெரியும்

படம்
முகமற்றவளாகவும்
பெயரற்றவளாகவும்
அறியப்படாமல்
ஆன்மா உள்ளவர்களைக்
கேள்வி கேட்கிறாள்
கேள்வி கேட்டதால்
குடல்சரிந்து போகுமுன்
உடல்சரிந்து போனவள் கற்றவர் தேசமானாலென்ன
கடவுளின்
தேசமானாலென்ன
பெண்ணுக்கிருப்பது
சிதைத்திடத்தோதான
உறுப்புகள் மட்டுமே வாருங்கள்
நமக்குக்கோஷம் போடும்
வாதம் செய்யும்
கண்ணீர் விடும் வேலையிருக்கிறது
தேர்தல் நேரம் வேறு அடுத்து எவளுக்காவது
நிகழ்கையில் பார்த்துக்கொள்ளலாம்

சொந்த முற்றமிலா வாழ்வு

படம்
முல்லை மலர்வதும்
வாழை மடலவிழ்வதும்
பார்க்குமளவெல்லாம்
வாய்க்கவில்லை
சொந்த முற்றமின்றி 
சோற்றுக்கவலை துரத்தும்
வாழ்வில்

போலச் சிறக்குமொரு வாழ்வு

படம்

ஏப்ரல் 20 முகநூலில்

படம்
கொஞ்சம் பேசிக்கொண்டிருக்க முடிவு
செய்யும்போது தெரிகிறது
பொழுதோ நீயோ
போய்விட்டிருப்பது
***********************************
வேப்பம்பூக்களை
வாரி வாரி எடுத்து வைக்கிறேன்
எங்கோ பூத்திருந்த போது
இழுத்த வாசம் 
இன்றில்லை
**********************************

எப்படி மீண்டேன் தெரியுமா
சிறு தொடுகை ஒன்றால்
அது
நீயன்று-
காற்றிலாடிய சிற்றிலையின் உரசல் எனப் புரியுமுன்
உயிர் ஊறிவிட்டது
****************************************
பூவரச இலைகளைக் குழை
குழையாக ஒடித்துப்போட்ட
ருக்குவிடம்
யாரும் கேட்டதேயில்லை
இதை உன் வீட்டு ஆடுமாடு
தின்னுமா
காயவைத்து சுடுநீர்
வைப்பாயா என்றெல்லாம்
மதிலுக்கு அப்பால் தெரியும்
செம்பருத்திக் கிளையை
இழுத்து மடக்கிவிடுமளவு
இப்போது வளர்ந்துவிட்டோம்