இடுகைகள்

2017 இலிருந்து இடுகைகளைக் காட்டுகிறது

மூக்குத்திப் பெண்கள்

படம்
எப்படியோ முடிந்தது
பிய்த்துப் பிடுங்கும் வறுமையிலும்
தோடு மூக்குத்தியை ஆடை போல அடிப்படையாய்ப்
பார்க்க அதனினும் கொடிதான பொழுதுகளில்
அடகுக்குப் போகும் போதும்
கவுரவத்தைக் காப்பாற்றடி என்று
காதணிகள் கண்ணீரோடு சொல்லிப் போனது
எண்ணெய் படிந்த ஒற்றைக்கல் மூக்குத்தியிடம் அணிவிக்கும் பொழுதுக்கு
வைபவப் பெருமையை அடையாவிடினும்
தோடுகள் மூக்குத்தியை
துணைச் சொல்லாகவே ஏற்றன. அறியாத வயதில் சுழற்றிவிட்ட திருகைக்
கழற்றும் கொடுமை கருதியே பிழைத்தது
பலநேரம்
துயரங்களில் சின்னது என்ன பெரியது என்ன
பாழாய்ப்போன கண் கலங்குகையிலெல்லாம்
தொண்டையடைத்து வழியும் சளியைச்
சிந்திஎறிந்தால் இறங்கும் பாரம்
இடையூறுஎன்னவோ குத்தும் திருகுதான் உழைப்பின் நெருப்பு தணலும் முகத்தில்
மிஞ்சிய ஒற்றைப் பொட்டாக
ஒற்றைக்கல் மூக்குத்தியின் சுடரிலே
இருள் கடந்த நாட்கள்தான் எத்தனை முத்து பெரியம்மா எது தவறினாலும்
மெனக்கெட்டு திருகு கழற்றி
வெள்ளிக்கிழமை எண்ணெய்க் குளியல்களில்
சிவப்புக்கல்லும் வெள்ளைக்கல்லும்
தனித்தனியாகவே தெரியுமளவு ஏழுகல்லையும்
காத்து வந்தாள்
அவள் பொறுமையின் பெருமைகளில் ஒன்றாகவும்
திறமையாகவும் சொல்லப்பட்ட அதையும்
பறித்துச் சென்றான் குடிகார பெரியப்பன்
குடல்…

கட்டைவிரல் கீழ் யானை

படம்
கண்முன்னால் நின்று கொண்டிருக்கும் யானை 
துதிக்கை தூக்கி பிளிறுமுன்
இதோ 
இந்தக்கட்டைவிரல் நுனியால் 
அழுத்திவிடலாம் போலத்தான் இருந்தது

*************************************************************
சுரைக்கொடி யோசிக்கவில்லை 
கூரை கிடைக்காது குப்பைகளோடு பிணைந்து படர
யாரோ ஒதுங்கிய இடமென்ற
கவலை 
அந்தப்பிஞ்சுக்குமில்லை

*************************************************************
ஏதாவது சொல்லியிருப்பாய் 
என்ற சமாதானத்தோடு புலன் தீட்டுகையில் 
மௌனத்தின் கல்லை அழுத்தி 
அடைத்துவிட்டுப் போனாய்
குகை இருளுக்கு வெளியே அதிரும் முழக்கங்கள் 
யார் கேட்க
இங்கோ ரும் ரும்மெனச் சுற்றுகிறது
மிச்சம் வைத்த மூச்சு

****************************************************************





முளைக்குச்சி உடைவதையும் 
கயிறு நைந்து அறுவதையும் 
யாரும் உவப்பதில்லை
சுற்றுக 
அனுமதிக்கப்பட்ட தூரம் மட்டும்
உன் கயிற்றின் விட்டம் உன் உலகு
எனதும் 
நாம் அடித்த முளைகளின் மேலிருக்கட்டும் 
எப்போதும்
ஒரு கண்
****************************************************************

எதைக்குறி பார்ப்பதென்றே
முடிவுசெய்ய விடாமல்
கரகரவென்று சுற்றும் சக்கரத்தின் முன் 
அம்புடன்
நிற்கிறது வாழ்க்…

தழையுணர்த்தும் சிறுவாழ்வு

படம்
உலுக்கி உலுக்கி ஆட்டியபோதும்
முருங்கைக்கிளை  சிரித்துக்கொண்டு நிமிர்ந்துவிடுகிறது பெருமழைசொரிந்த
நேற்றைய சலிப்பெங்கே என்றால்
நம் காலடியில் உதிர்ந்து பறக்கும்
இலைகளைச் சுட்டியபடி
ஓராயிரமாய்க் கிழிந்து தொங்கும்  வாழையிலையை வருடப்போகிறது
ஏறியிறங்கும் அணிலுக்கும்  ஒண்டு இடுக்கில் நார் சேர்க்கும் காக்கைக்கும்  ஆட்சேபமின்றி இடம்
மழையைக்குடிக்கும்
ஒளியைத்தின்னும்
இளவெயிலில் தழையுணர்த்தும்
சிறுவாழ்வு சொல்லிக்கொள்கிறோம்
எதற்கும் இடந்தரா எம்முடையதைப்  பெருவாழ்வென்று

சேதாரமிலா உபச்சாரம்

படம்
வருத்தங்களை உருக்கி உருக்கி 
இழையத்தட்டி நகாசு கிகாசு செய்து 
புத்திமதிகளை 
நாலு கல்லோ சலங்கையோ செதுக்கி 
அமுக்கி அமுக்கி ஓரம் மூடி 
அடக்கமாகப் பெட்டியிலிட்டு 
வைத்திருங்களேன்
செய்கூலி சேதாரத்தோடு நல்ல விலை போகும்
நல்ல விலை கொண்டு நாயை விற்பார்
நாயிடம் யோசனை கேட்பதுண்டோ
எதற்குப் பின் வருத்தத்திடம்
உபசார வார்த்தைகள்



சாலையோர அங்காளம்மை-2

படம்
முழம் முழமாய்ச் சுற்றி வைத்த பந்துகளிலிருந்து
ஒரு கிள்ளு கூடத்தராது ஒயர்கூடையில் பதுக்கியபடி
தன்னை வணங்க காசு வீசும்
வாகனதாரிகளை மறித்துவிட்டு
பேரத்தின் எரிச்சலை வெற்றிலை எச்சிலாய்ப்புளிச்சிடும்
பேச்சியின் பேச்சும் கூவலும் 
அத்துணை சுவாரசியம்
எவரோ எப்போதோ சார்த்திய
மஞ்சள் சுங்கடியில் சான்னித்தியம் அருளும் 
அங்காளிக்கு 





மீனின்குரல் கேட்கும் தூண்டில்

படம்
வனத்தில் நிறைந்திருந்த வயலட் சிறு பூக்களின் பெயர் தெரியவில்லை
வண்ணத்துப் பூச்சிக்கும் எனக்கும் அதனாலென்ன
******************************************************** கு ளத்தின் பாடலை நீங்கள் தவளையின் குரலில் கேட்கிறீர்கள் 
உங்கள் தூண்டில் மீனின் குரலில் கேட்க 
நானோ நீரின் குரலில்
******************************************************** தூறலில் தொடங்காத 
மழையையும் 
பழகிக் கொள்கின்றன தொட்டிச் செடிகள் ***************************************************************
கண்ணாடித்தாள் போலச் சிறகு விரிக்கும் வண்ணத்துப்பூச்சி 
எங்கு கிழிபடுமோ 
பதட்டமாயிருந்ததில் 
சற்றுமுன் கிழித்த இதயம் மறந்து போனது
******************************************************************

உதிரி செவ்வந்தி

படம்
உதிரி செவ்வந்தியை இட்டு 
கமலம் 
வரைந்த வாசலைத் தயக்கத்துடன் 
சாய்ந்து சாய்ந்து நனைக்கிறது மழை 
திருநாள் எங்கபோகுது 
நா எங்க போறேன் 
அட இந்த உதிரி செவ்வந்தியும்தான் 
எங்க போகுது
நீ வா தாராளமா
மழையிடம் சொல்லிக் கொண்டிருக்கிறாள்
அவள்


தளராடைவேளை

படம்
மாற்றிப்போட்ட சேலையின் ஓரப்பிசிறுவழி
கொடியிலிருந்து சொட்டிக் கொண்டிருக்கிறது
வெளியில் நான் விட்டுவந்த
மழை கேட்கவேண்டும் எனத் தோன்றும் பாடல்கள்
எதையும் தேட நேரமில்லை
மெழுகுவத்தி கரைந்தே விடுமோ என்ற அச்சத்துடன்
ஊதிஊதி அணைத்து அணைத்து
ஏற்றிக் கொண்ட இரவுகளுக்கு
இருந்த வாசம்
இன்றைய நாசியில் அரூபமாய் இறுக்கமாய்த் தோள் சார்த்திய வயலினை
இழைக்கும் விரல்களை நினைத்தபடி
வெங்காயம் நறுக்கும்
இந்த தளராடைவேளையின் பரபரப்பு
என்றாவது மணக்கக் கூடும்

குருதியின் நீர்மை

படம்
சொட்டுச் சொட்டாய் உதிர்ந்து கொண்டிருக்கிறது
எவ்வளவற்றை ஏந்திவிட முடியுமோ
அவ்வளவையும் ஏந்திவிடக் கை குவிக்கிறேன்
ஏந்திய மறுநொடி வழிந்தபோதும்
மழைத் துளியே உன்மீதிலான காதலைத்தான்
எப்படித் துறப்பேன்
உள்ளிறங்கி உள்ளிறங்கி
என் ரத்தக் குழாய்களில்
பயணிக்கும் பேரன்பு உனக்கு வாய்க்காதபோதும்
என் குருதியின் நீர்மை நீதானெனக்
கற்பித்துக் கொள்கிறேன்
பைசாசத்தைக் கூட்டு சேர்த்துக் கொண்டு
வெறியாடும் பொழுதுகளையும் மன்னித்து
பழரசமருந்தி இசைபாடும் 
காவிய நாயகனாக உருவகித்துக்
காத்திருக்கப் பழகுகிறேன்


வீழ்சருகின் குரல்

படம்
தரையோடு படர்ந்து கிடக்கிறது குப்பைக்கீரை
பெயரின் கண்ணாடியில்
முகம் பார்க்கத் தெரியாதவரை
பிழைத்தேன்

********************************************************

வீதிகளற்ற கனவில் 
தினமும் தாவிக்கொண்டிருக்கும் பட்டாம்பூச்சி 
எதிர்ப்படும் கைரேகை பட்டழிகிறது

***********************************************************
புல்லையும் அளவாகக்
கத்தரித்துவிட வேண்டிய
உலகில் 
விடுதலை கீதம்
பாடிச்சுற்றும் பொன்வண்டே
உன் சின்னச்சிறகுகள்
கண்டு பட படக்குதென் இதயம்

***************************************************************
மேல் கீழாக எழுதிப் பார்த்தேன்
கீழ்மேலாகவும்
இடவலம் வல இடம்
எப்படி எழுதிடினும்
குன்றா கசப்பு 
தேனால் மெழுகித்தான் என்ன

************************************************************
விழுதாடிக்கொண்டிருந்த
காற்றைப் பார்த்து சிரித்துக்கொள்கிறது
அடர்கிளை
இங்கோ
அடர்கிளையின் இலை
துறந்த ஒற்றைக்குச்சி

**********************************************************
கழிவிரக்கப் புன்னகைக்குப் பதில்
காறித் துப்பிவிட்டு
சுருண்டது நிழல்

*****************************************************

இந்த நதியின் அலைகளுக்கப்பால்
இந்த முகடுகளின் மேகப்பூச்…

நனையும் குப்பை

படம்
கோடி கோடி இலைகள்
உதிர்ந்து கொண்டே இருக்கின்றன
அந்த ஒற்றை இலை
சுழன்று விழுந்தது
ஓரலை இழுத்து விழுங்கியது
ஏனோ நடுங்குகிறது

***********************************************

உங்களைப்பற்றி 
நினைத்துக்
கொண்டேயிருக்கையில் நீங்களே 
வருவது அற்புதம்தான்
நினைத்த மாதிரியே
வந்திருந்தால்

************************************************

நசநசத்துக்கிடக்கிறது
குப்பை
ஞாபகங்களைப்போல
மழையில் நனைந்துகொண்டு

***************************************************
யாரையோ யாருக்கோ
பிடித்திருக்கிறது
அது
உங்களுக்குப் பிடிக்கிறதா
என்பதே உங்கள் பிரச்னை

***********************************************


அப்படியும் இப்படியும்

படம்
இறந்தவன் பெயரை எப்படி மாற்றுவது
இறப்பதற்கு முன்பாகத்தான்
அழகான ஒரு படத்தை முகநூலில்
அடையாளப்
படமாக்கியிருக்கிறான்
முகவரிக்குறிப்பேட்டில்
அலைபேசி சேமிப்பில் எண்ணாக எழுத்தாக
அடங்கிக்கிடக்கும் நினைவுகளை
முகநூல்வழி ஆட்டிப்படைக்கும் அவனிடம் சொல்ல வழியில்லை
போனவன் பெயரைநினைவூட்டாதே என
இவனிடமாவது  சொல்ல முடியுமெனத் தோன்றவில்லை *******************************************************************
பாதுகாப்பாக உணர  முற்படுகிறது ஒரு ஆயுதம்
ஏந்தியிருப்பவனும்  எதிர்கொள்பவனும்  மறைத்தும் மாற்றியும்  ஏமாற்றியும்  பாதுகாப்பைப் போர்த்திக்கொள்ளத்  துடித்துக்கொண்டிருக்கையில்
ஆயுதத்தின் பாதுகாப்புணர்வுக்கென்ன அவசரம் ************************************************** ஆயுதங்கள் அறிவதில்லை அழிக்கவே பிறந்த கதை
************************************************************* இது உனக்கான நேரம் என்பதை  எப்படியாவது சொல்ல விரும்புகிறாய்
நீயே மறந்தும் போகிறாய்
வேறு வழியின்றி ************************************************** இப்படி இருப்பதில்
குற்றவுணர்வு மிக
அப்படி ஆக முயல்கிறாய்
அப்படி இருப்பதிலும்
குற்றவுணர்வு கிளைக்கும்
எப்படியேனும் ம…

வீட்டுக்குப் போகும் வழி

படம்
நாம் வீட்டுக்குப் போகும் வழியில்
இரண்டு அல்லிக் குளங்கள்
ஒரு ஆறு 
கொண்டையன் வாய்க்கால் ஆற்றில் சேர்த்தியா
என்ற சந்தேகமும் இருந்தது
பாதையோரப் புளியமரங்களின் முதற்குத்தகை
நமக்கு
கொடுக்காப்புளி.,அருநெல்லி, நாவற்பழத்துக்கு சற்றே பாதை விலகியும்
நடையிலும் ஓட்டத்திலும் சேர்த்தியிலா போக்கில்
சிதறாது சேகரிக்க முந்தி வேண்டியே
முந்திப்போட்ட தாவணிகள்
திடீர் பாண்டி கட்டங்கள்  நேரமிழுத்தபோதும்
அம்மையர் புலம்பவில்லை
குட் டச் பேட் டச் தெரியாத தடிக்கழுதை என்று வாசலில் வண்டி ஏற்றி கம்பிச் சிறையிலிருந்து
கட்டிடச் சிறைக்கு இடம் மாறித் திரும்பும்
ஏழுவயதுப் பெண்ணிடம்  எப்படியும் சொல்லிவிடவேண்டும்
இவ்வார விடுமுறையில்
என்ன இருந்தாலும்
காலில் முள் படாத நாகரீக காலம் இது

வண்ணக் குழம்போடு திரியும் கடவுள்

படம்
எந்த இரண்டு புள்ளியில் பொறி உறங்குகிறது
எனத் தெரியாது 
மாற்றி மாற்றி உரசிக் கொண்டிருக்கிறோம்
நேசத்தின் இலைகளின்மேல் பனி மூடிக் கிடக்கிறது
பசிய ஒளி சுடராமல் இற்று விழுந்து விடுவோமோ
என்று நடுங்குகிறது கிளையோடு
காற்றோ தன்னிடம் வனம் உரையாடக் காத்திருப்பதாகப்
புறப்பட்டு வருகிறது
தப்பித் தப்பி நடக்கும் எல்லாவற்றுக்கும்
அமரத்துவம் பூசிவிட
வண்ணக் குழம்போடு
திரிகிறான் கடவுள்
அவனிடமிருந்து பிழைப்பதுதான் பெரும்பாடு

எங்களுக்கென.....

படம்
பேசத்துவங்குமுன் சற்றே
தொண்டை கமறுகிறது
உனது சொற்களா எனதா
எதைத் துப்புவது என்ற
தள்ளுமுள்ளுதான்
இதற்கு விக்ஸ் என்செயும்
ஸ்ட்ரெப்ஸில்ஸ் தான் என் செயும்

*************************************************

நீங்கள் நம்பவே போவதில்லை
எங்களுக்கென்று ஒரு உயரம்
இருந்ததையும்
எங்களுக்கென்று ஒரு துயரம்
இருப்பதையும்
கண்ணீராலாவதென்ன ***********************************************
கதவைத் தட்டுபவர்கள் என்று
யாருமே இல்லை மின்சார அழைப்புமணி  வைக்கத்தொடங்கிய பின்னும்
கதவைத்தட்டி அழைப்பவர்கள்
கதவைத்தட்டி நுழைபவர்கள் இருந்தார்கள்
அப்படி யாரும் தட்டாத
பொழுதுகளிலும்
தட்டிய ஒலியின் பிரமையில் திடுக்கிட்டு எழுமளவு
கதவைத் தட்டும் ஒலி நம் இதயத்தில்
கேட்டுக்கொண்டிருந்தது
இங்கோ தட்டுவதற்கானதல்ல கதவு
என்பதில் தெளிவாக இருக்கிறார்கள்
எப்படி நுழைகிறார்கள் என்பதுதான்
தெளிவாகவில்லை

கிணற்றகல இருள்

படம்
இருளை விசிறுகிறவர்கள்
ஒளியைக் கைப்பற்ற 
உங்களைத் தூண்டுகிறார்கள்
அது விதியாகத்தான் இருக்கட்டுமே

**********************************************

கிணற்றகல இருளில் மிதந்து கொண்டிருந்த 
இரண்டு 
நந்தியாவட்டைகள் மட்டும்
இன்னும் வெளிச்சமாக

**********************************************

தூவானத்துக்கென்று
தனி நிறம்
உங்கள் எந்த தூரிகையிலும் இல்லாதபடி

********************************************************
நினைத்தது நிஜம்
நினைக்காததும்
இங்கிருப்பதெல்லாம்
இங்கில்லாததும்தானே

*****************************************************

செம்பருத்தியின் அடர்சிவப்பு காணாதவனே
சாம்பிய முகத்தோடு நாள் திறப்பதன்றி 
ஏது வழியுனக்கு

***************************************************************


போகாத இடங்களின் பட்டியல்

படம்
அதாவது 
போக வாய்க்காத இடங்களின் பட்டியல்
இது ஒன்றும் நிலாவையும்
செவ்வாயையும் 
அமெரிக்காவையும் அண்டார்டிகாவையும் பற்றியதல்ல
ஊரிலேயே முதலில்
பால் சர்பத் அறிமுகப்படுத்திய தேரடி
முருகன் கடை
தெருமுனையில் கண்ணாடிப்பெட்டிக்குள்
 உப்பியபடியே இருக்கும் 
பூரிகளின் காவலனாக 
பாய்லர் முன்
நின்றவாறே வானையும் பூமியையும்
தேநீர் ஆற்றிப்பிணைத்த மணிகடை
பேன்பார்ப்பதும்
பூ தைப்பதுமாக உறவாடி
கீழத்தெரு குடிபோன
பேபியக்காவின் புதுவீ்டு
இன்னபிற தலங்களே

முற்றுப்புள்ளிக்கு முன் உள்ள தூரம்

படம்
உங்கள் கண்களுக்கே 
புலப்படாத 
ஒரு முற்றுப்புள்ளிக்கு முன் 
எவ்வளவு தூரம்

*************************************
அவரவர்க்கென்று
பிரத்யேக பாவமும்
பிரத்யேக சொல்லும்
பிரத்யேக தூரமும்
பிரத்யேக வேகமும் பிரத்யேக ஆயுதங்களும் *****************************************
அவள் பெயர் கொண்டவள்
அவள் போலில்லை
அவள் போலிருப்பவள்
அவள் பெயர் கொள்ளவில்லை
எப்போதேனும் 
இவள் அவளையும்
அவள் இவளையும்
நினைவூட்டி
திடுக்கிட வைத்து விடுகிறார்கள்
******************************************** உங்களிடம் எப்படி எல்லோரும்  கேள்விகளைத் தயக்கமின்றி எழுப்புகிறார்கள்
நீண்டகாலமாக இதையே யோசிக்கிறீர்கள்
நீங்கள் யோசிக்கத் தொடங்கியதிலிருந்தும்
அதற்கு முன்பாகவும்
அது அப்படிதான் இருக்கிறது 
கேட்டுக் கொண்டே இருக்கும்வரை
இருக்கும்
***************************************************** பார்க்காதது போல
நகர்ந்தார்
ஆசுவாசமாக இருந்தது
*****************************************

இரட்டை நீல டிக்

படம்
எல்லாவற்றையும் எப்படியும் 
திட்டமிடும் வீட்டிலும் 
திடீரெனப் பூத்து விடுகிறது 
ஒரு பூ

***********************************************

அட்டை கிழிந்த 
முனை மடிந்த அந்தப் புத்தகத்தினுள் 
மயிலிறகெல்லாம் இல்லை 
ஆனாலும் 
எடுத்து எடுத்து 
பார்த்துக் கொண்டிருக்கிறேன்

***************************************************
இரட்டை நீல டிக்
மற்றும் பேரமைதி
இதுவும் விடையாகலாம்

******************************************
யாரேனும்
என்றேனும்
எப்போதேனும்
புரிந்து கொள்ளக்கூடும்
இல்லாமலும்....
எதனால்தான் என்ன
எனும்போது
அதனாலும் ஒன்றுமில்லை ஒன்றுமில்லை என்பதில்
எல்லாம் இருக்கலாம்
இல்லாமலும் இருக்கலாம்

நிறமிலியானவள்

படம்
திருத்தமான ஒரு சித்திரத்தை 
வரைந்தே தீர்வதென்றே நீ அமர்கையில் 
கையிருப்பில் வண்ணமேயில்லை 
அதனாலென்ன 
என் பசுமையெலாம் குழைத்தளிப்பேன் 
கசிந்துருகும் உளமஞ்சள்
இளமஞ்சளுக்கீடாகும்
கண்மணியில் நீலக்கீற்று 
கரைத்த சாந்தோ துளிப்பொட்டு
வரைந்து முடித்த ஆசுவாசத்தில் 
நிமிர்ந்தபோது 
ஒரு நிறமிலியாகி நின்று கொண்டிருக்கும் என்னை
இயல்பாக 
கடந்து செல்கிறாய்

********************************************************************

நீ அப்போது வெட்கப்பட்டிருக்க வேண்டும்
என்றார் நண்பர்
அப்படி ஒன்றும் நிகழவில்லை
அது வழக்கமும் இல்லை என்றேன்
வாழ்வின் நுண் கணங்களை இழந்தவள்
எனப் பரிதாபப் பட்டார் 
அப்படி ஒன்றும் தோன்றவில்லை
அதுவே வாழ்வும் இல்லை என்றேன்
ஒரு பெண்
பெண் போல இல்லாது போவதன்
அவலங்கள் குறித்து
அவர் இந்நேரம் 
ஒரு கட்டுரை வரைந்திருக்கக் கூடும்
நானும் யோசித்துக் கொண்டிருக்கிறேன்
வெட்கம் கொள்ளாது போன
மனிதர்களைப் பற்றி
நுண் கணங்களின் வரையறை பற்றி
எங்களை எங்களைப் போலக்
காண முடியாத காரணம் பற்றி ....

"இருக்கட்டும் இருக்கட்டும்"

படம்
கடவுச் சொற்களைப் பகிர்ந்து கொள்ளாதீர்கள்
திரும்பத் திரும்ப
மின்னஞ்சல் ,முகநூல்,வானொலி,கட்செவி 
எங்கெங்கும் எச்சரிக்கை
துரத்திக்கொண்டே இருக்கிறது
பூட்டி வையுங்கள்
இறுக்கி வையுங்கள்
மாற்றுங்கள்
ஊகிக்கும்படி இருக்க வேண்டாம் ரகசியங்களை உற்பத்தி செய்வோர்
ஒருபுறமும்
ரகசியங்களை உடைக்க விழைவோர்
ஒருபுறமுமான உலகில்
ரகசியங்களைப் பாதுகாக்க விழைவோர்
ஓடிக்கொண்டே இருக்கின்றனர்.
உடைப்பவர்கள் பாதுகாப்பதும்
உற்பத்தியாளர்கள் உடைப்பதும்
என முரண் இணைகளும்
இருப்பதைப் பார்த்து
ரகசியங்கள் சிரித்துக் கொள்கின்றன முதலில் சூட்டியவை
திருத்தியவை,மாற்றியவை,
ஒவ்வொரு தேவைக்குமான நடப்பு இருப்பு .....
தலைமுதல் கால்வரையிலான ஒவ்வொரு அணுவிலும்
கடவுச் சொற்களையே சுமந்திருக்கிறீர்கள்
அவற்றையே சுவாசிக்கவும்
அவற்றையே உண்ணவும் கூடிய வாழ்வில்
அவற்றை கழித்திடவே முடியாது
சுமந்திருக்கும் நீங்கள்
இந்த வரிகளுக்குள்ளும் அவற்றின் அங்கங்களைத்தான்
தேடுகிறீர்கள்
உங்களைத் தவிர
வேறெவராலும் அவற்றை அடையாளம்
காண முடிகிறதா என ரகசியமாக
நோட்டமிடுகிறீர்கள்
உங்கள் கடவுச் சொல்லின் ஒரு எழுத்து
ஒரு பகுதி
ஒரு பாணி
வேறெவரிடமும் இருக்கக் கூடும்
என்பதே உறக்கம் பிடுங்குகிறது.
உங்கள் உடைமை எல்…

தயாவனம்

படம்
சொல்வதற்கென்று ஏதுமில்லாமல் போகவில்லை
கேட்கும் இடத்தில் காகம் கரைந்து கொண்டிருக்கிறது
நிசப்தத்துக்கும் இரைச்சலுக்கும் 
வேறுபாடு மறைந்த காலம் 
அரூபக் கதவுகளைத் தட்டித்தட்டி 
தட்டித்தட்டி
உங்கள் கரங்கள் காய்த்துக்கிடக்கின்றன
என்றாலும் 
வெளுக்கும் என்றே உறங்கப் போகவும்

*********************************************************
இருத்தல் என்பதற்கு
இருத்தலே பொருளல்ல
தொலைந்து போனதாகவும் இருக்கலாம்
தொலைந்து போனதையெல்லாம்
 கண்டடைந்துவிடும் அதீத நம்பிக்கையில்
வெளிச்சத்தின் மேலேயே
தேடிக்கொண்டு திரிகிறேன்
வெளிச்சத்தின் உள்ளடுக்கில் 
உறங்கும் இருள் சிரிக்குந்தோறும்
திடுக்கிட்டு விட்டு
தொடர்கிறேன்
வெங்காயத்தோல் எத்தனை அடுக்கென்று சொல்ல

******************************************************************

தயாவனம்
வாகனவரிசையில்  ஒளிர்பச்சை தரிசனத்துக்குள்
எத்தனை முறை....
மெய்யும் பொய்யும் புனைவும்  தவிப்பும் கொண்டு  யாரிடமோ நீட்டப்படும் கரங்களுக்கு
சாந்தி செய்ய வாய்க்காத
குறுகுறுப்பு துளிர்த்து துளிர்த்து  விர்ரெனத் தாண்டுகையில் பேயாட்ட விருட்சமாகி
இரு நிமிடத்தில் இலையுதிர்ந்து பட்டென பட்டு
அரை நிமிடத்தில் அப்புறமாகி
அடுத்த தயாவனம்  கடை…